Pavlodarda koronavırýstyń órshýine karantındi elemeıtin turǵyndar sebep bolyp otyr
PAVLODAR. QazAqparat - Búgingi tańda epıdemıologııalyq jaǵdaıdy baǵalaý matrıtsasyna sáıkes Pavlodar oblysy qyzyl aımaqta qalyp otyr, dep habarlaıdy QazAqparat.
Koronavırýsqa qarsy vedomstvoaralyq komıssııa taratqan málimetke qaraǵanda, apta ishinde oblystyń toǵyz aımaǵyndaǵy eń joǵary ósim mynadaı: aýdandar boıynsha – Tereńkól (28%), Maı (16,6%), Aqqýly (15,6%), Aqtoǵaı (13,3%), Ýspen (7,8) jáne Ertis (6,1%), qalalar kóleminde - Aqsý (9,2%), Ekibastuz (7,7%) Pavlodar (6,2).
Syrqattaný kórsetkishiniń ósýine negizgi sebep - turǵyndardyń karantın sharalaryn saqtamaýy.
Máselen, Aqtoǵaı aýdanynda táýlik ishinde KVI aýrýynyń 4 jaǵdaıy tirkeldi. Bir adam qoǵamdyq orynǵa - saýda úıine jeke qorǵanys quralyn kımeı barǵan kezde juqtyrǵan.
Ekinshi jaǵdaıda ınfektsııa jumysta áriptesterimen merekelik túski as kezinde juqqan. Kóp uzamaı baılanysta bolǵan barlyq áriptesterinen KVI belgileri anyqtaldy.
Úshinshi jaǵdaıda zeınetker dene qyzýy kóterilip, KVI-diń basqa belgileri bolǵanyna qaramastan medıtsınalyq uıymǵa habarlaspaı, ózin-ózi emdegen.
Taǵy bir juqtyrý jaǵdaıy otbasynda, úı ishinde tyǵyz baılanysta bolǵanda oryn alǵan.
Turǵylyqty jeri men jumys orny boıynsha tyǵyz baılanysta bolǵan adamdar qataryna 27 adam kirdi, barlyǵynan PTR zertteý úshin materıal alyndy.
Dúkender men qoǵamdyq kólikte adamdar medıtsınalyq maska taǵý, araqashyqtyqty jáne dezınfektsııa rejımin saqtaý sııaqty karantın sharalaryn eskermeıtini anyqtaldy.
