Pavlodarda kórkem gımnastıkanyń sport kesheni salynbaq
PAVLODAR. QazAqparat - Oblys ákimi Ábilqaıyr Sqaqov Pavlodar qalasynyń sport nysandaryn aralady. Ol jattyqtyrýshylarmen jáne olardyń tárbıelenýshilerimen áńgimelesip, sport mekemelerindegi jaǵdaımen tanysty, dep habarlaıdy QazAqparat oblysy ákiminiń baspasóz qyzmetine silteme jasap.
Balalar men jasóspirimderdiń mamandandyrylǵan olımpıadalyq rezerv sport mektebinde 400-ge jýyq oqýshy akrobatıkamen, al 150-den astamy gımnastıkamen aınalysady. Jas sportshylar men olardyń jattyqtyrýshylary óz sheberligin shyńdaı alatyn jáne úlken jarystar ótkizetin jańa zaldy armandaıdy.
«Jańa sportzal salý moraldyq turǵydan eski ǵımaratty qalpyna keltirýden góri ońaı. Bizde birden 18 bapker jumys isteıdi – bul keńirek oryndy qajet etedi. Qalamyzdy jaqsy kóretin Qazaqstan aımaqtarynyń sportshylary men tipti shet eldik akrobattar Pavlodardaǵy týrnırlerge qýana-qýana keler edi», - deıdi akrobatıkadan jattyqtyrýshy Irına Glýshkova.
Búginde «Baıantaý» sport kesheninde jattyǵatyn kórkem gımnastıka bóliminiń 300-ge jýyq tárbıelenýshisi de jańa ǵımaratqa kóshýdi kútip júr. Qoldanystaǵy sportzaldyń 9 metrlik bıiktigi jetkiliksiz – jattyǵý kezinde snarıadtar tóbeniń astyndaǵy temir konstrýktsııalarda jıi ilinip qalady. Bıyl estetıka jáne kórkem gımnastıka mektebiniń qurylysy boıynsha joba-smeta qujattamasyn ázirleý bastalyp, Ábilqaıyr Sqaqov jattyqtyrýshylar men sportshylardy osy protseske qosylýǵa shaqyrdy.
«Jańa zalǵa qoıylatyn tehnıkalyq talaptardy ázirleý barysyn tek sheneýnikterge tapsyra salýǵa bolmaıdy. Maman sizder bolǵandyqtan, ońtaıly jaǵdaıdyń qandaı bolýy kerektigin jaqsy bilesiz» , - dedi óńir basshysyú
Voleıbolshy qyzdar da gımnast qurbylarymen bir ǵımaratta jattyǵyp júr. № 2 balalar men jasóspirimder sport mektebiniń komandasy tek Pavlodar ǵana emes, oblystyń basqa da qalalary men aýdandarynyń namysyn qorǵaıtyn atletterden quralǵan. «Baıantaýda» aýyr atletter, dzıýdoshy men samboshylar de jattyǵady. Aýyr atletter búgin onlaın rejımde ótip jatqan Qazaqstan chempıonatyna qatysyp jatsa, balýandar jarystarǵa daıyndyq ústinde.
Sport keshenine taıaý jerde ústel tennısi ortalyǵynyń qurylysy júrgizilip jatyr. Merdigerler nysannyń irgetasyn 15 sáýirge deıin daıyndap, alǵashqy metall qurylys materıaldaryn alýǵa ýáde etip otyr. Oblys ákimi olarǵa jumystardyń sapasy men olardy oryndaý merzimderin saqtaý jaýapkershiligi týraly eskertti.
«Astana» muz saraıynda Ábilqaıyr Sqaqov jas hokkeıshilermen áńgimelesti. Munda shaıbaly hokkeımen 200-den astam bala aınalysady. Budan basqa, muz aıdynynda mánerlep syrǵanaýshylar, konkımen júgirýshiler jáne basqa da sportshylar jattyǵyp júr. Sondyqtan atletterdiń ózderi de, sport qyzmetkerleri de negizgi alańǵa túsken júktemeni azaıtýǵa múmkindik beretin jańa «Sport sıtı» arenasyna úlken úmit artyp otyr. Onyń ashylýy bıylǵy jazǵa josparlanyp otyr, alaıda tehnıkalyq jaǵdaılarǵa baılanysty qurylysshylar belgilengen ýaqytty keıinge shegerýi yqtımal.
«Men munda alǵashqy ret kelgen kezden bir jyldaı ýaqyt ótti. Kóp ózgeris baıqalmaıdy», - dedi aımaq basshysy.
Oblys ákimi sport qalashyǵyndaǵy fýtbol manejiniń bazasyna da baryp shyqty. Ol keshende qala turǵyndarynyń sporttyq daıyndyǵyna tartýǵa bolatyn bos turǵan jerlerdiń kóp ekenine nazar aýdardy.
Sport mekemelerin aralaý barysynda Ábilqaıyr Sqaqov fıtnes zaldyń birinde boldy. Klýb ıesi ıÝsýp Ibragımov jaqyn arada jekpe-jek ónerimen aınalysýǵa arnalǵan jańa zal ashýdy josparlap otyrǵanyn aıtty. Aımaq basshysy Pavlodar oblysynyń kásipkerlerin qala turǵyndary, ásirese balalardy buqaralyq sportqa keńirek tartý úshin belsendi túrde sporttyq sektsııalardy ashýǵa shaqyrdy.
