Pavlodarda Qorǵanys isteri departamentiniń burynǵy bastyǵyna qatysty tekserý bastaldy
PAVLODAR. KAZINFORM - Qorǵanys isteri departamentiniń burynǵy bastyǵy Bekzat Orazov laýazymdyq ókilettigin asyra paıdalandy degen kúdikke ilikken.
Aqparatty QR Qorǵanys mınıstrligi rastady. Tergeýmen óńirdiń Ulttyq qaýipsizdik qyzmeti komıteti departamentiniń qyzmetkerleri aınalysyp jatyr. Qazirgi ýaqytta qajetti tergeý áreketteri júrgizilip jatqany habarlandy.
- QR Qorǵanys mınıstriniń tapsyrmasy boıynsha qyzmettik tergeý júrgizildi. Onyń nátıjesi boıynsha podpolkovnık B.Orazov atqarǵan qyzmetinen bosatyldy. Qylmystyq is júrgizý zańnamasynyń talaptaryna sáıkes jáne tergeý múddesine baılanysty ózge aqparat jarııalaýǵa jatpaıdy, - dep habarlady QR Qorǵanys mınıstrliginen.
Eske sala keteıik, UQK men ІІM birlesken operatsııasy nátıjesinde qylmystyq toptyń 20 múshesi qolǵa tústi.
