Pavlodarda kópqabatty úıden shyqqan órtten 15 adam qutqaryldy
PAVLODAR. QazAqparat - Pavlodarda Korolenko kóshesi, 2 mekenjaıy boıynsha ornalasqan kópqabatty turǵyn úıden shyqqan órtten 15 adam qutqaryldy.
Bul týraly oblystyq TJD baspasóz qyzmetiniń mamany Gaýhar Syzdyqova aıtty, dep habarlaıdy pavlodarnews.kz .
«Órt týraly habarlama kezekshilik bólimine saǵat 08.04-te túsken», - deıdi Gaýhar Syzdyqova. - Oqıǵa ornynda departamentten bir bólim jumys istedi. Tilsiz jaý jarty saǵattyń ishinde tolyǵymen sóndirildi. 15 adam saty arqyly ózderi syrtqa shyqqan bolsa, úsh adamdy qutqarýshylar alyp shyqqan. Qyzyl jalyn bir bólmeli páterdiń tórt sharshy metr aýmaǵyn sharpyǵan».
Qazirgi tańda keltirilgen shyǵyn kólemi men órtiń shyǵý sebebi anyqtalýda. Zardap shekkender joq.
