Pavlodarda kópqabatty úıden shyqqan órtte áıel mert boldy, 5 adam ıis tıip ýlanyp, 41-i qaýipsiz jerge shyǵaryldy
ASTANA. 15 qańtar. QazAqparat - Búgin, túngi saǵat bir jarymda Pavlodar qalasynda Gagarın kóshesiniń boıyndaǵy bes qabatty turǵyn úıdiń 3-shi qabatynda ornalasqan páterde órt boldy.
Órt bir jarym saǵatta sóndirildi. Tilsiz jaýdy aýyzdyqtaýǵa QR TJM Pavlodar oblysy boıynsha TJD órtke qarsy qyzmetiniń 21 adamy men 9 tehnıkasy, QR TJM TJD «Shuǵyl qutqarý qyzmeti» MM-niń 3 adamy men 1 tehnıkasy, QR TJM «Apatty medıtsına ortalyǵy» MM-niń 3 adamy men 1 tehnıkasy jumyldyryldy. Jalyn 30 sharshy metrdi sharpydy.
41 adam, sonyń ishinde 10 bala qaýipsiz aımaqqa kóshirildi, 3 adam qutqaryldy. Qutqarýshylar órtpen kúres kezinde besinshi qabattyń saty alańynda 40 jastaǵy áıeldiń máıitin tapty. 1 jáne 12 jastaǵy balalar (jeńil ýlanǵan, balalardyń jaǵdaıy qalypty) men 3 eresek ıis tıip ýlanyp, aýrýhanaǵa jetkizildi.
