Pavlodarda kópqabatty turǵyn úıden órt shyǵyp, 47 adam evakýatsııalandy
PAVLODAR. QazAqparat – Pavlodarda órt bolǵan turǵyn úıden 47 adam evakýatsııalandy. Olardyń 15-i – bala, dep habarlaıdy Ravlodarnews.kz.
Oblystyq TJD baspasóz qyzmetiniń málimetinshe, Tselınnaıa kóshesi, 93 mekenjaıy boıynsha 10 qabatty turǵyn úıde úsh bólmeli páterden órt shyqqan.
- Qonaq bólmesinde dıvan, tórt sharshy aýmaqta zattar janǵan. Órt sóndirýshiler 1956 jylǵy er adamdy qutqaryp, alǵashqy medıtsınalyq kómek kórsetildi. Er adam alkogol tutynǵan. Qutqarýshylar kelgenge deıin 47 adam syrtqa ózdiginen shyqqan, - deıdi departamentte.
Órttiń shyǵýyna otty abaısyz qoldaný sebep bolǵan. Keltirilgen shyǵyn kólemi anyqtalýda.
Oqıǵa ornyna órt sóndirý jáne avarııalyq qutqarý jumystary qyzmetinen 26 qyzmetker men segiz tehnıka, QR ІІM medıtsınalyq apattar ortalyǵynyń fılıaly jumyldyryldy.
