Pavlodarda kópqabatty turǵyn úıdegi fotostýdııa órtendi
PAVLODAR. QazAqparat - Pavlodarda S. Toraıǵyrov kóshesi, 77 mekenjaıy boıynda ornalasqan Vysotskıı fotostýdııasynan órt shyqty, dep habarlaıdy pavlodarnews.kz oblystyq TJD baspasóz qyzmetine silteme jasap.
Keshe saǵat 14.12-de oqys jaǵdaı oryn alǵany týraly kezekshilik bólimine sol jerde bolǵan káýgerler telefon shalyp aıtqan. - Bes qabatty turǵyn úıdiń tómengi jertólesindegi stýdııadan 25 adam syrtqa ózdiginen shyqqan. Onyń bireýi - bala. Sonymen qatar, bul jaǵdaıdan beıhabar úıinde otyrǵan bir adamdy tótenshelikter páterlerdi tekserý kezinde qutqaryp qaldy. Tilsiz jaý saǵat 14-34-te aýyzdyqtalyp, 15.26-da tolyǵymen sóndirilgen, - dedi departamentte. Qyzyl jalyn 18 sharshy metr aýmaqty sharpyǵan.
Aldyn ala boljam boıynsha, órttiń shyǵýyna elektr quraldaryn paıdalaný kezinde qaýipsizdik erejelerin saqtamaý sebep bolǵan. Oqıǵa ornynda TJD jeke quramynan 19 adam jáne bes tehnıka jumys istedi.
Aıta keteıik, órt bolǵan kópqabatty turǵyn úıde 15 uıym ornalasqan. Onyń ishinde sırek kezdesetin zattar dúkenderi, dárihana, ınternet-dámhana, tigin mashınasyn jóndeıtin sheberhana, eki sulýlyq salony bar.
