Pavlodarda kópirden sekirip ketken adam qutqaryldy
PAVLODAR. QazAqparat - Oblys ortalyǵynda senbi kúni avtokólik kópirinen sekirgen er adam qutqaryldy. Bul týraly oblystyq TJD-niń baspasóz qyzmeti málim etti, dep habarlaıdy pavlodarnews.kz.
«Ertis ózeniniń aýmaǵynda saǵat 18.16-da jedel qutqarý jasaǵynyń úsh qyzmetkeri bir júzý quralynyń kómegimen kópirden sekirgen azamatty sýdan alyp shyqty. Olar er adamdy jedel medıtsınalyq qyzmetiniń mamandaryna tapsyrdy», - deıdi baspasóz qyzmetinde.
Mundaı áreketke barǵan 1962 jylǵy turǵyn óńirlik psıhonevrologııalyq dıspanserde tizimge alynǵan. Oblystyq jedel medıtsınalyq kómek stantsııasynyń aqparatyna súıensek, travmatolog er adamdy tekserý barysynda eshbir jaraqat anyqtalmaǵan. Budan keıin mamandar ony oblystyq psıhonevrologııalyq dıspanserge tapsyrǵan.
