Pavlodarda kóp qabatty úıden qulaǵan bala jansaqtaý bóliminde jatyr
ASTANA. QazAqparat - Pavlodarda alty jasar qyz bala kópqabatty úıdiń terezinen qulap ketken, dep habarlaıdy pavlodarnews.kz .
Pavlodar oblystyq ІІD baspasóz qyzmeti 2011 jylǵy qyz bala abaısyzda tórtinshi qabattaǵy páterdiń terezesinen qulap ketken rastady. Alǵan jaraqattarynyń saldarynan ol aýrýhanaǵa ornalastyryldy. Balanyń anasyna qatysty QR QK 140 baby - «kámelet jasqa tolmaǵandy tárbıeleýde óz mindetin oryndamaý» boıynsha sotqa deıingi tergeý jumystary bastaldy. Oblystyq densaýlyq saqtaý basqarmasynyń baspasóz qyzmeti habarlaǵandaı, qazirgi ýaqytta qyz bala oblystyq balalar aýrýhanasynyń jansaqtaý bóliminde jatyr. «Onyń keýde qýysy synǵan, sondaı-aq jambasy qatty jaraqattanǵan. Ázirge jaǵdaıy aýyr. Keshe aıaǵyna ota jasaldy. Erteń dárigerler tekserip, naýqasty jansaqtaý bóliminen palataǵa aýystyrýdy nemese densaýlyǵy ońalǵansha jansaqtaý bóliminde qaldyrý týraly sheshim qabyldaıdy», - dedi basqarmanyń baspasóz hatshysy Mahabbat Muhamadıeva.
