Pavlodarda qonaq úıden órt shyǵyp, 186 adam evakýatsııalandy
PAVLODAR. qazAqparat – Pavlodar qalasynda qonaq úıden órt shyǵyp, 186 adam qaýipsiz jerge kóshirildi, dep habarlaıdy QazAqparat Ravlodarnews.kz saıtyna silteme jasap.
«21 saǵat 03 mınýtta «101» pýltine Pavlodar qalasyndaǵy qonaq úılerdiń birinen órt shyqqany týraly habarlama kelip tústi. Departamenttiń kúshteri men quraldary dereý oqıǵa ornyna jiberildi. On bir qabatty qonaq úıdiń birinshi qabatynda 10 sharshy metr aýmaqta qoqys janyp jatqany anyqtaldy», - dedi oblystyq Tótenshe jaǵdaılar departamentiniń baspasóz qyzmetinen.
Órt sóndirýshilerdiń kómegimen baspaldaq marshymen 186 adam, onyń ishinde 7 bala evakýatsııalandy.
«Qaza bolǵandar men zardap shekkender joq. Órt 21 saǵat 33 mınýtta tolyǵymen sóndirildi. Oqıǵa ornynda jeke quramnan 40 adam jáne 10 tehnıka jumys istedi. Órttiń shyǵýyna otty abaısyz paıdalaný sebep bolǵan», - dedi vedomstvodan.
Pavlodar oblysy TJ departamenti barlyq azamattardan órt qaýipsizdiginiń qarapaıym erejelerin saqtaýdy suraıdy.
