Pavlodarda qonaq úı órtenip, 1 adam zardap shekti

PAVLODAR. QazAqparat - Túnde Pavlodardaǵy qonaq úıdiń birinen órt shyqty. Órt shyqqan «Saryarqa» qonaq úıinen 200-den astam adam evakýatsııalanyp, bir adam zardap shekti dep habarlaıdy Pavlodarnews.kz.

«8 jeltoqsan kúni saǵat 3:18-de 101 pýltine Pavlodar qalasy, Toraıǵyrov kóshesi, 1 mekenjaıynda ornalasqan «Saryarqa» qonaq úıiniń birinshi qabatynan tútin shyqqany týraly habarlama kelip tústi. Nysannan 220 adam evakýatsııalandy. Onyń ishinde 10 bala bar», - dedi Pavlodar qalasy tótenshe jaǵdaılar basqarmasynyń bastyǵy Renat Valıshanov.

Osy órtten bir adam zardap shekti. Aldyn ala boljam boıynsha, ol janǵan zattardyń tútininen ýlanǵan. 1969 jyly týylǵan er adam Pavlodar qalalyq birinshi aýrýhanaǵa jetkizildi.
Tilsiz jaý saǵat 3:59-da oqshaýlanyp, saǵat 4:06-da tolyqtaı sóndirildi.
Jalyn qonaq úıdiń jertólesinde bastalǵan. Úı zattary men jıhazdar janǵan. Órt jalpy aýdany 8 sharshy metr jerdi sharpyǵan.