Pavlodarda kommýnaldyq sektorda 109 mlrd teńgege ınvestıtsııalyq jobalar júzege asady

PAVLODAR. KAZINFORM - 2026 jyly Pavlodar oblysynyń kommýnaldyq sektorynda 109 mlrd teńgege ınvestıtsııalyq jobalar júzege asady dep josparlanǵan. Bul jelilerdiń tozýyn 3 % -ǵa tómendetýi kerek.

Atalǵan qarajat myń shaqyrymnan astam ınjenerlik jelilerdi aýystyrýǵa múmkindik beredi. Nátıjesinde qubyrlardyń tozý kórsetkishi 3 %-ǵa tómendeıdi dep kútilip otyr. 
Qazirgi kúni óńirdegi kommýnaldyq jelilerdiń ortasha tozýy - 70 %. Jelilerdi jańartýdyń 5 jylǵa arnalǵan jospary qurylǵan.

- Barlyq saladaǵy ulttyq jobalardyń negizgi maqsaty - ınjenerlik ınfraqurylymdy jańartý, senimdilikti arttyrý. Al, senimdilikti arttyrý úshin jańa nysandardy salý, eskilerin jóndeý kerek. Ekonomıka jaqsaryp keledi, jańa shaǵyn aýdandar paıda bolyp jatyr. Sáıkesinshe qubyrlar, jeliler tozyp otyr. Kún salqyndaǵan ýaqytta keıbir jelilerdi jóndeý kerektigi baıqalyp qalady, - deıdi oblys ákiminiń birinshi orynbasary Serik Batyrǵujınov.

Eske sala keteıik, bıyl Pavlodar oblysynyń jylýmen jabdyqtaý salasyna 35,7 mlrd teńge ınvestıtsııa salynǵan.