Pavlodarda kolonııaǵa spırttik ishimdik ótkizý áreketiniń joly kesildi
PAVLODAR. QazAqparat – Jeńil kólik júrgizýshisiniń bas bostandyǵynan aıyrý ornyna spırttik ishimdikter ótkizý áreketiniń jolyn Odrı esimdi qyzmettik ıt kesti, dep habarlaıdy QazAqparat.
«QAJB-15 kólik quraldaryn baqylaý-ótkizý pýnktinde VAZ markaly kóliktiń júrgizýshisi, V.esimdi azamat túzetý mekemesiniń ishine spırttik ishimdikter ótkizý áreketin jasady», - dep habarlady Qazaqstan Ulttyq ulany «Shyǵys» aımaqtyq qolbasshylyǵy baspasóz qyzmetiniń bastyǵy Baǵdat Amangeldi.
6679 áskerı bóliminiń Odrı esimdi qyzmettik ıti kóliktiń júksalǵysh bóligin ıiskelep turyp alǵan. Gvardııashylar bul jerdi teksere bastady, dedi ol.
«Tekserý kezinde nusqaýshy maman, qatardaǵy jaýynger Medet Tilektes qyzmettik ıttiń kómegimen kóliktiń júksalǵyshynan skotchpen oralǵan alkogoldik ishimdikterdi anyqtady. Tyıym salynǵan zattar ary qaraı tekserý úshin QAJB qyzmetkerlerine tapsyryldy», - dep qosyp ótti B.Amangeldi.
