Pavlodarda kolledj stýdenti oqytýshyǵa pyshaq jaraqatyn saldy

PAVLODAR. KAZINFORM - Pavlodardaǵy kolledjerdiń birinde oqıtyn stýdent óz oqytýshysyna pyshaq jaraqatyn salǵan. 2007 jyly týǵan bozbala ustalyp, oqıǵanyń mán-jaıy anyqtalyp jatyr.

Oqys oqıǵa týraly Pavlodar oblysynyń bilim berý basqarmasy habarlady.

«Pavlodar kolledjiniń 2007 jyly týǵan stýdenti Pavlov kóshesindegi turǵyn úıdiń aýlasynda pedagogti pyshaqpen jaraqattaǵan. Oqytýshyǵa medıtsınalyq kómek kórsetildi. Bozbalany quqyq qorǵaý organynyń qyzmetkerleri ustap, onyń oqytýshyǵa shabýyldaýyna ne sebep bolǵany anyqtalyp jatyr», - dep málimdedi Bilim berý basqarmasynan.

Óńirlik Densaýlyq saqtaý basqarmasynyń baspasóz qyzmeti zardap shegýshi azamattyń jaǵdaıy qalypty ekenin habarlady.

«Zardap shegýshi №1 Pavlodar qalalyq aýrýhanasynyń hırýrgııalyq bólimshesinde em qabyldap jatyr. Arqa tusynan jaraqattanǵan, dárigerler onyń densaýlyǵyn qalypty dep baǵalady. Jarasy tańylyp, tıisti medıtsınalyq tekserýler júrgizildi», - dep habarlady baspasóz qyzmetinen.

Eske sala keteıik, Pavlodarda 6-synyp oqýshysy eki balany pyshaqtady.