Pavlodarda kólikti mas kúıinde tizgindegen 787 júrgizýshi ustaldy

PAVLODAR. KAZINFORM – Óńirde jyl basynan mas kúıinde avtokólik júrgizgen 787 júrgizýshi ustaldy. Olardyń kinásinen 6 jol-kólik apaty tirkelip, saldarynan 9 adam zardap shekti. 

Polıtseılerdiń aıtýynsha, únemi júrgizilip jatqan túsindirý jumystaryna qaramastan, keıbir júrgizýshiler erejelerdi eskermeıdi. 

– Mysaly, Pavlodardaǵy Abaı kóshesinde, túngi ýaqytta polıtsııa qyzmetkerleri Lexus LX570 avtokóliginiń júrgizýshisin toqtatty. Áńgime barysynda odan alkogoldiń ótkir ıisi shyqty. Medıtsınalyq kýálandyrý júrgizýshiniń ortasha mas kúıinde ekenin kórsetti. Kólik quralyn mas kúıinde júrgizgeni úshin azamatqa qatysty ákimshilik is qozǵaldy. Kólik quraly kommýnaldyq turaqqa ornalastyryldy. Sot zań buzǵan adamdy 7 jyl merzimge júrgizýshi kýáliginen aıyryp, 15 táýlik merzimge ákimshilik qamaýǵa aldy, - deıdi Pavlodar qalasy polıtsııa basqarmasy patrýldik polıtsııa batalonynyń komandıri Aıdar Slambekov.

Oblystyq polıtsııa departamenti baspasóz qyzmetiniń dereginshe, óńirde jyl basynan mas kúıinde avtokólik júrgizgen 787 júrgizýshi ustalǵan. Olardyń qatysýymen 6 jol-kólik apaty tirkelip, saldarynan 9 adam zardap shekken. 

Eske sala keteıik, sheteldik azamattan para talap etken kóshi-qon polıtsııasynyń qyzmetkeri 3 jylǵa sottaldy.