Pavlodarda kólikteri kóp tútin shyǵaratyn 69 júrgizýshi anyqtaldy
PAVLODAR. QazAqparat – Pavlodar oblysynda jyl basynan beri tútinderinde lastaýshy zattardyń bolýy normatıvterden asyp ketken kólik quraldarynyń 69 júrgizýshisi anyqtaldy, dep habarlaıdy Pavlodarnews.kz.
Oblystyq polıtsııa departamentiniń málimdeýinshe, barlyq ereje buzýshylar QR ÁQBtK 334-baby boıynsha ákimshilik jaýapkershilikke tartyldy.
«Polıtseıler men ekologtar tútin ólshegish arnaıy quraldyń kómegimen paıdalanylǵan gaz shyǵaratyn qubyr arqyly naqty avtokóliktiń qala aýasyn qanshalyqty lastaıtynyn anyqtaıdy, - dedi departamentte.
Eger shyǵarý deńgeıi ruqsat etilgen normalardan asyp ketse, polıtsııa qyzmetkerleri QR ÁQBtK-niń 334-baby boıynsha ákimshilik hattama toltyrady. Onyń sanktsııasy 10 AEK mólsherinde aıyppuldy kózdeıdi, qaıta anyqtalǵan kezde - 20 AEK aıyppul salynady.
«Jýyrda Lomov kóshesinde polıtsııa qyzmetkerleri «Aýdı» markaly kólikti toqtatty. Tekserý kezinde avtokóliktiń tútin shyǵarý deńgeıi normadan asatyny anyqtaldy. Atalǵan ereje buzýshylyq boıynsha 32 jastaǵy júrgizýshi ákimshilik jaýapkershilikke tartylyp, 10 AEK mólsherinde aıyppul salyndy, - dedi departamentte.
Aıta keteıik, tek bir kúnde Pavlodar qalasynda patrýldik polıtsııa batalonynyń qyzmetkerleri bundaı 5 faktini anyqtady.
