Pavlodarda kólik júrgizýshisi rólde otyryp kıno kórgen
PAVLODAR. QazAqparat – Polıtsııa kólik basqaryp kele jatyp telefonnan fılm kórip otyrǵan taksı júrgizýshisine aıyppul saldy, dep habarlaıdy QazAqparat tilshisi.
Polıtseıler QR Ákimshilik quqyq buzý kodeksiniń 591-bap, birinshi tarmaǵy - «Kólik quralyn basqarý kezinde júrgizýshiniń telefondy ne radıostantsııany paıdalanýy» boıynsha ákimshilik is qozǵady.
Pavlodar oblystyq polıtsııa departamenti baspasóz qyzmetiniń málimetinshe, «Kolesa_pavlodara» Instagram paraqshasynda 13 qańtar kúni 003 baǵytyndaǵy taksı júrgizýshisi kólikti basqarý kezinde uıaly telefondy paıdalanyp fılm kórgeni týraly materıal jarııalanǵan.
«Júrgizýshige 13 255 teńge kóleminde aıyppul salyndy», - dedi tártip saqshylary.
