Pavlodarda kólik terezesinen aıaǵyn syrtqa shyǵaryp júrgen qyz aıyppul tóleıdi
ASTANA. QazAqparat - Pavlodarda osydan bir apta buryn Lermontov kóshesi boıymen kele jatqan Leksýs avtokóliginiń ıesi qasyndaǵy jolaýshysynyń kólik terezesinen aıaǵyn shyǵaryp qoıǵany úshin 5 AEK kóleminde aıyppul tóleýi múmkin, dep habarlaıdy pavlodarnews.kz.
«Kólik ıesine qatysty QR Ákimshilik quqyqbuzýshylyq týraly kodeksiniń 593-baby, 1 tarmaǵy - «jolaýshylardy tasymaldaý erejesin buzý» boıynsha ákimshilik óndiris qozǵaldy», - dep oblystyq ІІD-niń baspasóz qyzmeti túsinikteme berdi.
Esterińizge sala ketsek, «Tártipsiz júrgizýshi» aıdaryna atalmysh vıdeony oqıǵaǵa kýá bolǵan azamat jiberdi.
