Pavlodarda kólik qaqqan áıel oqıǵa ornynda kóz jumdy
PAVLODAR. QazAqparat - Pavlodarda jeńil kólik kóshede eki adamdy qaǵyp ketti, dep habarlaıdy QazAqparat tilshisi.
«27 qazan kúni keshkisin saǵat 18:26 shamasynda Pavlodar qalasynyń Kataev jáne Gagarın kósheleriniń qıylysynda jol-kólik oqıǵasy bolǵany jóninde habar keldi. «Toıota Kamrı « kóliginiń 51 jastaǵy júrgizýshisi rettelmeıtin jaıaý júrginshiler jolymen ótip bara jatqan eki adamdy qaqqan « dep málim etti oblystyq polıtsııa departamentiniń baspasóz qyzmeti.
Jol apatynan jaıaý áıel oqıǵa ornynda kóz jumdy, al er adam dene jaraqatymen aýrýhanaǵa jetkizilgen.
«Júrgizýshi saý, ishimdik ishpegen. Kólik apatynyń sebebi men mán-jaıy anyqtalyp jatyr. Avtokólik aıyp turaǵyna qoıyldy, oqıǵa ornynda jedel tergeý toby jumys istep jatyr» deıdi vedomstvodan.
