Pavlodarda kólik qaqqan áıel aýrýhanada kóz jumdy
PAVLODAR. QazAqparat - Pavlodarda jaıaý júrginshiler ótkelinen ótip bara jatqan eki áıeldi kólik qaǵyp ketti, dep habarlaıdy QazAqparat Ravlodarnews.kz saıtyna silteme jasap.
Atalmysh faktige qatysty sot-medıtsınalyq saraptama taǵaıyndalyp, tekserý júrgizilýde.
- 10 qarasha kúni saǵat 19.20-da Ak. Sátbaev – Maıakovskıı kósheleriniń qıylysynda 28 jastaǵy «BMW X5» avtokóliginiń júrgizýshisi eki jaıaý júrginshini qaǵyp ketken. Olar joldyń rettelmeıtin jaıaý júrginshiler ótkelinen ótip bara jatqan, - deıdi oblystyq polıtsııa departamentiniń baspasóz qyzmetinde.
Jol-kólik oqıǵasy saldarynan zardap shekkender túrli jaraqatpen aýrýhanaǵa jetkizildi. Ókinishke oraı, olardyń biri esin jımastan qaıtys boldy.
Kýálandyrýǵa sáıkes, júrgizýshi saý bolǵan. Avtokólik aıyp turaǵyna qoıyldy.
Oblystyq densaýlyq saqtaý basqarmasynyń málimetinshe, kólik qaqqan 1957 jylǵy áıel adam jedel járdemmen jetkizilgen.
«Sot- medıtsınalyq saraptama taǵaıyndaldy. Tekserý júrgizilýde», dep atap ótti polıtsııa departamentinen.
