Pavlodarda kólik qaqqan 58 jastaǵy er adam kóz jumdy
PAVLODAR. QazAqparat - Pavlodarda jol jıeginde otyrǵan 58 jastaǵy turǵyndy 41 jastaǵy er adam tizgindegen Shacman kóligi qaǵyp ketti, dep habarlaıdy QazAqparat.
9 jeltoqsan kúni keshki saǵat 21.45 shamasynda Pavlodar qalasynyń Jibek joly kóshesinde, qalalyq qoqystyń janynda 41 jastaǵy júrgizýshi basqaryp kele jatqan Shacman avtomobıli jol jıeginde otyrǵan 58 jastaǵy jaıaý júrginshini qaqty.
«Jol-kólik oqıǵasynyń saldarynan júrginshi oqıǵa ornynda qaza tapty» dep málim etti Pavlodar oblysy polıtsııa departamentiniń baspasóz qyzmeti.
Búginde kólik aıyp turaǵyna qoıylǵan. tergeý júrip jatyr.
Eske sala keteıik, buǵan deıin Pavlodar oblysynda jol apatynan 49 jastaǵy júrgizýshi kóz jumǵan bolatyn.
«Lenınskıı-Rýsskaıa Polıana» avtojolynyń 136-shaqyrymynda Ertis aýdany Yntymaq aýylyna jaqyn mańda «Aýdı-80» markaly avtokóliktiń 49 jastaǵy júrgizýshisi qarsy qozǵalys jolaǵyna shyǵyp ketip, Gazel avtokóligimen betpe-bet soqtyǵysyp qalǵan.
Jol-kólik oqıǵasy saldarynan «Aýdı-80» avtokóliginiń júrgizýshisi alǵan jaraqatynan oqıǵa ornynda mert boldy.
