Pavlodarda kólik apatynan 9 adam zardap shekti
PAVLODAR. QazAqparat – Pavlodar qalasynda «GAZel» júrgizýshisi jeńil kólikke soǵylyp, 9 adam zardap shekti, dep habarlaıdy QazAqparat tilshisi.
«14 qyrkúıek kúni saǵat shamamen 16.55-te Torgovaıa, 5/5 kóshesindegi saýda úıiniń mańynda «GAZel»-diń 47 jastaǵy júrgizýshisi kólik rýline ıe bola almaı qalyp, «Aýdı A6» avtomashınasymen soqtyǵysty. Jol apaty saldarynan 9 adam dáriger kómegine júgindi», - dep málim etti oblystyq Polıtsııa departamentinen.
Fakti boıynsha saraptama taǵaıyndalyp, tekserý júrgizilip jatyr. Kólik aıyp turaǵyna qoıyldy.
