Pavlodarda kólik apaty saldarynan 87 jastaǵy keıýana qaza tapty
PAVLODAR. QazAqparat – Pavlodar qalasynda eki kólik qaqtyǵysyp, 87 jastaǵy keıýana mert boldy. Túrli jaraqat alǵan taǵy eki adam aýrýhanaǵa jetkizildi, dep habarlaıdy QazAqparat Pavlodarnews.kz-ke silteme jasap.
Oblys ortalyǵyndaǵy keleńsiz jaǵdaı Aımaýytov kóshesi men Kamzın kóshesiniń qıylysynda bolǵan. Volga jáne Gazel avtokóliginiń qaqtyǵysynyń saldarynan 1934 jyly týǵan áıel qaza tapty. Al 1958 jáne 1994 jylǵy er adamdar túrli dene jaraqattarymen Pavlodar qalasyndaǵy birinshi aýrýhanaǵa jetkizildi.
- Oqys oqıǵa oryn alǵan jerge «jedel járdem» qyzmeti shaqyrtý túskennen keıin 4 mınýt ishinde bardy. Mamandar 87 jastaǵy keıýananyń sol jerde kóz jumǵaynyn rastady. Al eki er adam túrli dene jaraqattarymen aýrýhanaǵa jetkizildi, - dedi oblystyq jedel járdem stantsııasy.
Óńirlik densaýlyq saqtaý basqarmasynyń málimetinshe, 63 jáne 27 jastaǵy eki pavlodarlyq zardap shekken. Olarǵa jabyq mı jaraqaty, mıdyń shaıqalýy, keýde tusynyń aýyrsynýy boıynsha dıagnoz qoıyldy.
