Pavlodarda kóligin júrgize almaǵan áıel úsh mashınany soqty
ASTANA. QazAqparat - Pavlodardyń Mamandandyrylǵan ákimshilik sotynda qala turǵyny K. qatysty ákimshilik is qaraldy.
"13 qyrkúıekte Pavlodar qalasynda júrgizýshi K. «Toyota RAV4» markaly kólik quralyn basqaryp Sývorov kóshesi mekenjaıyndaǵy kólik turaǵynan artqa qaraı qozǵalý barysynda aldymen «Toyota Carina» mashınasyna, sodan keıin «Toyota Camry»-ge soǵady. Odan ary qozǵalýyn jalǵastyryp, «Toyota Avensis» avtomobıline qaqtyǵysqan", dep habarlady Pavlodar oblystyń sotynyń saıty.
K. ákimshilik quqyqbuzýshylyq jasaǵanyn jáne jol júrý erejesin buzǵanyn, kólik quraldaryna zaqym keltirip materıaldyq shyǵyn ákelgenin moıyndady.
Sot qaýlysymen K, Ákimshilik quqyq buzýshylyq týraly Kodeksiniń 610-babynyń 1-bóliginde qarastyrylǵan quqyq buzýshylyqty jasaǵany úshin kináli dep tanylyp, oǵan 10 aılyq eseptik kórsetkish mólsherinde teńge aıyppul salyndy.
Qaýly zańdy kúshine engen joq.
