Pavlodarda kóligimen jas jigitti qaǵyp óltirgen adamǵa izdeý jarııalandy
ASTANA. QazAqparat - Pavlodar oblysynyń Maı aýdanynda belgisiz bireý kóligimen jas jigitti qaǵyp óltirip, oqıǵa ornynan iz sýytqan. Qazirgi ýaqytta atalǵan jol-kólik oqıǵasyna qatysy bar belgisiz júrgizýshi izdestirilip jatyr, dep habarlaıdy «QazAqparat» Pavlodar oblystyq ІІD-niń «VKontakte» jelisindegi paraqshasyna silteme jasap.
Pavlodar oblysy Maı aýdanynyń ІІB jol-kólik oqıǵasynyń kýágerleri bolsa habar berýdi suraıdy.
«2018 jyldyń 1 qańtarynda saǵat shamamen keshki 20-00-der kezinde Lenınskıı aýyly - Kýrchatov qalasy arasyndaǵy joldyń 140-shy shaqyrymynda Maı aýdanynyń Jumysker aýylyna jaqyn mańda belgisiz júrgizýshi anyqtalmaǵan kólikpen 24 jastaǵy jas jigitti qaǵyp ketken. Zardap shekken Maı aýdanynyń Qaraterek aýylynyń turǵyny kelesi kúni aýrýhanada kóz jumdy», - delingen habarlamada.
