Pavlodarda kóldegi qamys arasynda adasyp ketken adam qutqaryldy
PAVLODAR. QazAqparat - Polıtsııa qyzmetkeri Tereńkól jáne ıÝbıleınoe aýyldarynyń ortasyndaǵy kóldiń mańaıynda adasyp ketken adamdy izdep taýyp aldy, dep habarlaıdy pavlodarnews.kz.
Bul týraly polıtsııa departamentiniń baspasóz qyzmeti málim etti. - Túngi saǵat bir shamasynda Tereńkól aýdany polıtsııa bóliminiń kezekshi bólimine Tereńkól jáne ıÝbıleınoe aýyldarynyń ortasyndaǵy kól jıegindegi qamystyń arasynda adasqan adam týraly habarlama tústi, - dedi baspasóz qyzmetinde.
Ýchaskelik polıtsııa ınspektory, polıtsııa kapıtany Rýslan Sultanov dereý adam jınap, Tereńkól jáne ıÝbıleınoe aýyldarynyń ortasyndaǵy kóldiń mańaıynda izdeý jumystaryn bastap ketti. Qarańǵy mezgil men bıik ósken qalyń qamys izdeý jumystaryna kedergi keltirdi. 1,5 shaqyrym jaıaý júrip ótkennen keıin, izdeýshiler adasqan aýyldastaryn taýyp aldy. Ol ábden álsiregendikten ózdiginen qımyldaýǵa dármensiz bolǵan. Polıtsııa kapıtany Rýslan Sultanov oǵan alǵashqy medıtsınalyq kómek kórsetilýi úshin Tereńkól aýdanynyń aýrýhanasyna jetkizdi. Adasqan er adamnyń aıtýynsha, ol kól jıegimen ótetin jalǵyz aıaq jolmen júrip kele jatyp baǵytynan jańylǵan. Bul jaǵdaıda jedel áreket etip, ómirin qutqaryp qalǵany úshin er adam polıtsııa qyzmetkeri Rýslan Sultanovqa alǵysyn bildirdi.
