Pavlodarda qoqystan tabylǵan sábıge qatty sýyq tıgen - dáriger
PAVLODAR. QazAqparat - Oblystyń bas dárigeri Oraz Muqashev qoqys konteınerinen tabylǵan sábıdiń densaýlyǵy týraly QazAqparat tilshisine aıtyp berdi.
«Biz balany emdep jatyrmyz. Onyń týystary, tipti týǵan anasy da tabylyp qalý múmkin. Balany barlyq emdeý sharalarynan ótkizdik. Qazirgi jaǵdaıy qalypty jáne aýyr. Barlyq músheleri jumys istep tur, tamaqtandyryp qoıdyq. Oǵan qatty sýyq ótip ketken, onyń qoqys jáshiginde qansha ýaqyt jatqany belgisiz. Soǵan qaramastan dárigerler túni boıy jumys istep, náresteniń betin beri qaratty», - dedi Oraz Muqashev.
Sonymen qatar, bas dáriger balanyń boıynda eshqandaı týa bitti derttiń joq ekendigin aıtty.
Buǵan deıin habarlaǵanymyzdaı, Pavlodar qalasyndaǵy qoqys jáshiginen jańa týǵan náreste tabylǵan bolatyn.
