Pavlodarda qoqys jáshiginen ardagerlerdiń 15 medali tabyldy
ASTANA. QazAqparat - Pavlodarda saýda úıiniń qoqys jáshiginen ardagerdiń tósbelgileri tabyldy, dep habarlaıdy pavlodarnews.kz.
28 sáýir kúni «Tulpar» SÚ-niń dala sypyrýshysy qoqys jáshiginen birtúrli qalta taýyp alyp, ony saýda úıiniń tehnıkalyq qyzmetkerler boıynsha aýysym mamany Álııa Sálimbaevaǵa bergen.
«Medaldar faıldyń ishinde boldy. Múmkin olardy qoldy etken adam sata almaı qutylýdyń amalyn izdep, osynda tastaı salǵan bolar. Baqylaý kameralary sol jerde ornalaspaǵandyqtan, baǵaly zattardy kim tastaǵanyn kóre almadyq. Tósbelgilerdiń ıesin nemese onyń jaqyndaryn tapqymyz keledi. Men áleýmettik jelilerde habarlama bergenmin, biraq jaýap joq. Sondyqtan jaqyn arada olardy quqyq qorǵaý organdaryna tapsyramyn»,- dedi Álııa Sálimbaeva.
Saýda úıi qyzmetkeriniń aıtýynsha, faıldyń ishinde 15 medal bolǵan. Olardyń keıbireýi birneshe danadan. Tósbelgiler birneshe ardagerge tıesili bolýy múmkin.
Foto: Álııa Sálimbaeva
