Pavlodarda «Kóktem-2018» arnaıy taktıkalyq oqý-jattyǵýy ótti
PAVLODAR. QazAqparat - Qazaqstan Respýblıkasy Іshki ister mınıstrliginiń Uıymdastyrýshylyq nusqaýlaryna sáıkes Pavlodar oblysynda «Kóktem-2018» Respýblıkalyq komandalyq-shtabtyń arnaıy-taktıkalyq oqý-jattyǵýy ótkizildi. Oqý-jattyǵýdy ótkizý orny retinde Pavlodar qalasynyń Kenjekól aýyldyq aımaǵy anyqtaldy dep habarlaıdy pavlodarnews.kz.
Bul eldi mekenniń keıbir kósheleri Shyǵys Qazaqstan oblysyndaǵy joǵary Ertis sarqyramasynan keletin sý basý aımaǵyna jatady. Ortalyq alańda qalalyq shuǵyl den qoıý jasaǵynyń kúshteri men quraldary baıqaýy ótkizildi. Tájirıbe bóliminde birneshe kirispe jáne qutqarýshylar sýmen basylý aımaǵyna jatatyn halyqty evakýatsııalaý boıynsha jumystardy oryndady. Kenjekól jalpy orta bilim berý mektebiniń bazasynda evakýatsııalyq beket quryldy. Evakýatsııalanǵan halyq avtobýspen alǵashqy qajetti zattarymen aýyldyq qabyldaý beketine kelip jetip, kútý zalyna ornalasty. Veterınarlyq qyzmet jumyskerleri aýyl sharýashylyq janýarlardy qaýipsiz jerge shyǵarýdy uıymdastyrdy. Apattar medıtsınasy ortalyǵynyń jáne jedel qutqarý jasaǵynyń qyzmetkerleri zardap shekkenderdi anyqtaý, sondaı-aq shartty túrdegi naýqas adamdarǵa jáne tasymaldaýǵa jaramaıtyn aýyl turǵyndaryna medıtsınalyq kómek kórsetti. Aqparat qyzmeti jáne daýys zoraıtqysh quraly bar mashına evakýatsııa týraly qulaqtandyrdy. Aýyl turǵyndary júrgiziletin oqý-jattyǵý týraly aldyn ala habarlandyrylǵan jáne olar qutqarýshylardyń nusqaýlaryn yqtııatpen oryndady. Sondaı-aq shuǵyl den qoıý jasaǵy jáne turǵyn úı - kommýnaldyq sharýashylyq bóliminiń tehnıka kúshterimen aýyldyń kóshelerinen qar shyǵarý uıymdastyryldy.
Topyraqty úıindilerdi úıý boıynsha jumys ta qolǵa alyndy. KamAZdar jáne júkkótergish kólikter topyraqty úıindilerdi kóterý oryndaryna kelip, qoıylǵan mindetterin oryndaýǵa kiristi, 5512 áskerı bóliminiń Ulttyq ulan áskerı qyzmetshileri sýmen basylatyn úıdiń uzyndyǵy boıynsha úıindini úıýge jáne qummen toltyrylǵan qaptar arqyly jasandy bógetterdi qalaýǵa kómektesti.
Oqý-jattyǵýǵa aýmaqtyq Tótenshe jaǵdaılar organynyń jeke quramynan 250 adam jáne 70 tehnıka jumyldyryldy. Jergilikti atqarýshy organdarynyń, AQ jáne TJ qalalyq qyzmetteriniń, 5512 áskerı bóliminiń Ulttyq ulan áskerı qyzmetshileri jeke quramynyń tartyldy.
