Pavlodarda kóktaıǵaqqa baılanysty eki birdeı respýblıkalyq jol jabyldy

PAVLODAR. KAZINFORM — Avtojoldardyń «Ekibastuz –Aqmola oblysynyń shekarasy», «Shiderti — Qaraǵandy» ýchaskelerinde barlyq kólik túrleri úshin jol qozǵalysy shekteldi.

Aýa raıynyń qolaısyzdyǵyna baılanysty Pavlodar oblysy boıynsha birneshe respýblıkalyq jolda avtokólik qozǵalysyna ýaqytsha shekteýler qoıyldy.

— Jańbyr jaýyp, joldarda kóktaıǵaq túzilýine baılanysty búgin keshki saǵat 20:20–dan bastap keıbir avtojoldarda barlyq avtokólik túrleriniń júrýine shekteý qoıyldy. Atap aıtqanda:

— «Qyzylorda — Jezqazǵan — Qaraǵandy — Shiderti» avtojolynyń 1135 — 1206 shaqyrymdar aralyǵy (Qaraǵandy oblysynyń shekarasynan Shiderti kentine deıin);

— «Astana — Shiderti — Pavlodar — Ýspen — RF shekarasy» avtojolynyń 200-308 shaqyrymdar aralyǵy (Aqmola oblysynyń shekarasynan Ekibastuz qalasyna deıin), — dep habarlady óńirlik tótenshe jaǵdaılar departamentinen.

Avtojoldardaǵy shekteýler shamamen 13 jeltoqsan tańǵy saǵat 6.00-ǵa deıin kúshinde saqtalady.

Buǵan deıin aýa raıynyń buzylýyna baılanysty eki oblysta jol jabylǵanyn habarlaǵanbyz.