Pavlodarda kóktaıǵaq saldarynan 100-den astam adam jaraqat alǵan

PAVLODAR. KAZINFORM — Ótken demalys kúnderi oblys ortalyǵyndaǵy travmatologııa pýnktine habarlasqandar sany eki esege artqan. 

№ 1 Pavlodar qalalyq aýrýhanasynyń travmatologııalyq pýnkti demalys kúnderi túrli jaraqat alǵan 130-dan astam adamdy qabyldaǵan. Olardyń deni kóktaıǵaqtan zardap shekken. Ásirese sońǵy eki táýlikte býyny shyǵyp, súıegi synǵan adamdar kóp habarlasyp jatyr.

— Óńirde sońǵy kúnderi qar jaýyp, kóshelerde muz qatty. Taıyp jyǵylyp jatqandardyń kóbi egde jastaǵy jáne bıik óksheli, tabany tegis aıaq kıim kıgen adamdar. Patsıentter kóp jaǵdaıda ýaqtyly habarlaspaıdy. Travmatologııa pýnktine ýaqytynda kelmeýi sebepti súıek synǵanyn bilmeı qalady. Sondyqtan kez kelgen jaraqatta birden emdeý mekemelerine júgingen abzal, — deıdi № 1 qalalyq aýrýhana ókilderi.

Dárigerler jyǵylyp qalǵan adamdardyń kóbine qol-aıaǵyna zaqym keletinin aıtady.

Eske sala keteıik, Pavlodarda jaýǵan alǵashqy qar jol qozǵalysyn qıyndatty.