Pavlodarda qoǵamdyq oryndarda horhor tartqandar ustaldy
PAVLODAR. QazAqparat - Pavlodar polıtseıleri kalıan shegýdiń 30 deregin anyqtady, dep habarlaıdy QazAqparat.
Pavlodar qalasynyń polıtsııa qyzmetkerleri qoǵamdyq oryndarda kalıan shegýge tyıym salýdy buzý faktileri boıynsha reıdtik is-sharalar ótkizdi. Reıd barysynda demalys jáne oıyn-saýyq oryndary tekserildi.
«Osylaısha, polıtsııa qyzmetkerleri Ýsolka kóshesindegi oıyn-saýyq mekemesinde horhor tutyný deregin anyqtady, onda kalıanshy kelýshilerge usyný úshin kalıan tartty. 22 jastaǵy pavlodarlyqqa qatysty ÁQBK 441-baby 3-bóligi boıynsha ákimshilik óndiris qozǵaldy. Osyǵan uqsas buzýshylyq Edige bı kóshesindegi basqa qalalyq mekemede anyqtaldy, onda da 30 jastaǵy jas jigit kelýshilerge horhor usyndy, ol da jaýapkershilikke tartyldy», – dep habarlady Pavlodar qalasy PB bastyǵynyń birinshi orynbasary Arman Qaıyrov.
Aıta ketý kerek, bıyl Pavlodar qalasynyń demalys jáne oıyn-saýyq mekemelerinde polıtseıler kalıan shegýdiń 30 faktisin anyqtady. Jyl basynan beri Pavlodar óńirinde tártip saqshylary qoǵamdyq oryndarda temeki shegýge tyıym salýdy buzýdyń 169 deregi belgili boldy.
