Pavlodarda qoǵamdyq kóliktegi tıimsiz baǵyttar joıylyp jatyr

PAVLODAR. KAZINFORM — Oblys ortalyǵynda avtobýs baǵyttary ońtaılandyryp jatyr. Qalalyq avtobýs jelisi erteńnen bastap jańasha jumys tásiline kóshedi.

Jergilikti bılik qoǵamdyq kólik baǵyttaryn ońtaılandyrý is-sharalary bastalyp jatqanyn habarlady. Túzetýler týraly túpkilikti sheshim synaq rejıminiń qorytyndysy boıynsha qabyldanady.

Pavlodarda barlyǵy 30 avtobýs marshrýty bar. Jergilikti atqarýshy organdar suranys az bolǵandyqtan, № 5 jáne № 6 marshrýttardy joıýdy uıǵardy. Taǵy 11 qalalyq marshrýtty ońtaılandyrý josparlanyp otyr.

— Taldaý kórsetkendeı, búginde birqatar marshrýttar tabyssyz, al keıbireýleri bir-birin qaıtalaıdy. Ońtaılandyrý bıýdjetten sýbsıdııalaý kólemin azaıtý jáne marshrýttyq jelini naqty jolaýshylar aǵynyna sáıkes keltirý maqsatynda júrgiziledi. Jol júrý tarıfi ózgermeıdi. Al jyljymaly quramdy jańartý jalǵasady, shaǵyn synypty avtobýstardyń barlyǵyn ortasha synypty avtobýstarǵa aýystyrý kózdelip otyr, — dedi Pavlodar qalasy ákiminiń orynbasary Ánýarbek Amanov.

Eske sala keteıik, Túrkistanda qoǵamdyq kólik júıesi tsıfrlyq tehnologııalar negizinde jańǵyrtylyp jatyr.