Pavlodarda qyzylsha juqtyrǵandar sany tórt ese kóbeıgen
PAVLODAR. KAZINFORM - Óńir boıynsha jyl basynan 398 adam qyzylsha juqtyrǵan. Bul byltyrǵy kezeńmen salystyrǵanda tórt ese kóp.
Dárigerlerdiń málimetinshe, aýrýǵa shaldyqqandardyń deni - 14 jasqa deıingi balalar. Qyzylshanyń órshýine turǵyndardyń vaktsınadan bas tartýy sebep.
Oblysta profılaktıkalyq ekpeni eki myńnan asa adam almaǵan. Dárigerler ata-analardy balalaryn ýaqytynda vaktsınalaýǵa shaqyrady. Sebebi ekpe - qyzylsha jáne basqa da qaýipti juqpaly aýrýlardyń aldyn alýdyń eń tıimdi joly
- Profılaktıkalyq sharalardyń nátıjesinde maýsym aıynda qyzylsha aýrýynyń kórsetkishi 36 paıyzǵa tómendegen bolatyn. Ekpeden bas tartqan ata-analarmen júrgizilgen jeke túsindirý jumystary da tıimdiligin kórsetti. Byltyr 639 balaǵa vaktsına salynsa, bıyl 244 bala ekpe aldy, - deıdi oblystyq sanıtarlyq-epıdemıologııalyq baqylaý departamenti basshysynyń orynbasary Zámzágúl Dosjanova.
Buǵan deıin Pavlodarda 200-den astam adam qyzylsha juqtyrǵanyn habarlaǵan bolatynbyz.
