Pavlodarda qysqy mezgilge 188 jylytý pýnkti daıyndaldy
PAVLODAR. KAZINFORM — Óńirlik tótenshe jaǵdaı departamentiniń bólimsheleri kez kelgen shuǵyl jaǵdaıda jumys isteýge daıyndyqtaryn pysyqtap jatyr. Qurylymdar ótimdiligi joǵary 90 tehnıkamen jaraqtalǵan.
Pavlodar oblysynda qysqy mezgilde kezdesetin yqtımal tótenshe jaǵdaılar kezinde jedel áreket etýge baǵyttalǵan kúshter men quraldar toby quryldy.
— Óńirde qys mezgilinde 188 jylytý pýnkti jumys isteıtin bolady. Onyń ishinde 11-i jol-paıdalaný basqarmalarynyń bazalarynda ornalasqan. Olar 4300 uıyqtaıtyn orynmen qamtamasyz etile otyryp, bir mezgilde 20 myńnan astam adamdy qabyldaı alady, — dep habarlady oblystyq tótenshe jaǵdaılar departamentinen.
Yqtımal jaǵdaılarǵa 2788 adam jáne qar tazalaıtyn, ınjenerlik, evakýatsııalyq jáne ózge de arnaıy tehnıkanyń myńnan astam birligi jumyldyrylady. Sondaı-aq ótimdiligi joǵary 90 tehnıka bar.
Eske sala keteıik, Pavlodarda jolda turyp qalǵan avtobýstan 36 sheteldik qutqaryldy.