Pavlodarda kisi óltirdi degen kúdikpen er adam ustaldy
«15 qazanda saǵat 11.42-de Pavlodar qalasynyń Lermontov kóshesindegi úılerdiń biriniń aýlasynda, podezdiń janynda 40 jastaǵy er adamnyń máıiti tabyldy. Ol oqtan jaraqattanǵan. 1955 jyly týǵan kúdikti oqıǵa ornynan qashyp ketken.
Birden «Ustaý» jospary engizilip, polıtsııa qyzmetkerlerine kúdikti týraly málimetter jiberildi.
Jedel-izdestirý is-sharalaryn ótkizý barysynda patrýldik polıtsııa batalonynyń qyzmetkerleri kúdiktini Pavlodar – Omby avtojolynda ustady. Ol óziniń istegen áreketin túsindirip berdi.
«Osy oqıǵaǵa baılanysty QR QK-niń 99-baby boıynsha sotqa deıingi tergeý bastaldy. Kúdikti Pavlodar qalasynyń ýaqytsha ustaý ızolıatoryna qamaýǵa alyndy», – dedi Pavlodar qalasy PB Soltústik polıtsııa bóliminiń bastyǵy Bekzada Bólejanov.
Bolǵan oqıǵanyń mán-jaıy men sebepteri anyqtalýda.