Pavlodarda qyryqqabat pen kartoptyń baǵasy ósti

PAVLODAR. KAZINFORM — Qazir ádettegi dúkender men bazarlarda qyryqqabattyń kılogramy 250-270 teńgeden, kartoptyń kılogramy 180-250 teńgeden satylyp jatyr.

картоп
Фото: pexels.com

Jyl basynan óńirimizde keıbir kókónis túrleriniń baǵasy óskeni baıqalyp otyr. Ulttyq statıstıka bıýrosy oblystyq departamentiniń aqparynsha, qyryqqabattyń baǵasy 46%-ǵa, al kartoptyń baǵasy 15,6%-ǵa kóterilgen.

Dúkender men bazarlarda qyryqqabattyń bir kılogramy 250-270 teńge tursa, kartoptyń eń arzany (áleýmettik dúkenderdi qospaǵanda) 180 teńgege satylyp jatyr.

Oblystyq turaqtandyrý qory bıyl 810 tonna kartop pen 105 tonna qyryqqabatty saýda oryndaryna jetkizgen. Oblysta 203 áleýmettik dúken bar.

«Pavlodar» áleýmettik-kásipkerlik korporatsııasy azyq-túlik qaýipsizdigin qamtamasyz etý departamentiniń dırektory Azamat Dándibaevtiń aıtýynsha, turaqtandyrý qorynda qazirgi kúni 4 200 tonna kartop pen 710 tonna qyryqqabat bar. Kartop áleýmettik dúkenderde 120 teńgeden, qyryqqabat 157 teńgeden satylyp jatyr. Biraq onyń kólemi shekteýli bolǵandyqtan barlyq jerde arzan ónim qoljetimdi emes.

Buǵan deıin pavlodarlyq fermerler qoımadaǵy tonnalaǵan sábizdi sata almaı otyrǵany týraly jazǵanbyz.

 

Сейчас читают