Pavlodarda keıbir bilim berý uıymynyń basshylary 10 jyldan asa ýaqyt aýyspaǵan
PAVLODAR. KAZINFORM — Prokýrorlar olqylyqtardyń qatarynda logopedter men defektologtardyń, basqa da beıindi mamandardyń jetispeýshiligi bar ekenin atap kórsetti.
Pavlodar prokýrorlary kámeletke tolmaǵandardyń quqyqtary men zańdy múddeleriniń saqtalýyn qamtamasyz etý boıynsha jumystar júrgizip, bilim berý salasynda birqatar olqylyqty anyqtaǵan.
Qadaǵalaý qyzmeti barysynda oblysta 63 myńnan astam oqýshy bilim alatyn oqý oryndarynda tamaqtanýdy uıymdastyrý máselelerine erekshe nazar aýdarylǵan. Qabyldanǵan qadaǵalaý sharalarynyń nátıjesinde perspektıvalyq mázir sanıtarııalyq talaptarǵa sáıkestendirilip, et jáne jemis-jıdek ónimderin qosý arqyly keńeıtilgen. Nátıjesinde balalarǵa usynylatyn taǵamdardyń sapasyna kúndelikti baqylaý kúsheıtilgen.
— Taǵy bir másele, birqatar bilim berý uıymynyń basshylary bir orynda 10 jyldan astam ýaqyt jumys istep kele jatyr. Zańnamaǵa sáıkes 7 jyldan asqan jaǵdaıda rotatsııa júrgizilýi tıis. Jumystyń tıimdiligin arttyrý jáne jańa tásilderdi engizý maqsatynda basshylyq quramdy rotatsııalaý jáne jańartý týraly sheshim qabyldandy, — dep habarlady oblystyq prokýratýradan.
Aımaq boıynsha úıde bilim alatyn 545 balaǵa beıindi mamandardyń (logopedter, defektologter jáne basqalar) jetispeýshiligi anyqtalǵan. Prokýrorlardy pármenimen bos oryndar toltyrylǵannan keıin balalar qajetti oqytýǵa qol jetkizgen.
Eske sala keteıik, mektepterde pedagog-psıholog saǵaty engizilmek.