Pavlodarda keıbir azyq-túlik pen kókónisterdiń baǵasy bir aıda qalaı ózgerdi
PAVLODAR. KAZINFORM — Pavlodar oblysynda bir aı ishinde oramjapyraq, pııaz, almurt sııaqty ónimderdiń baǵasy aıtarlyqtaı ósken. Deıturǵanmen, birqatar kókónis túrleriniń baǵasy edáýir tómendegeni baıqaldy.
Ulttyq statıstıka bıýrosynyń Pavlodar oblysy boıynsha departamentiniń aqparaty boıynsha, ótken aıda birneshe taýar túriniń baǵasy ósken. Atap aıtqanda, qant — 12,8%-ǵa, maılar men tońmaılar — 1,3%-ǵa, jarmalar men dándi daqyldar ónimderi — 1,2%-ǵa, balyq pen teńiz ónimderi — 0,8%-ǵa, jumyrtqa — 0,6%-ǵa qymbattaǵan.
— Jemis-jıdekter men kókónisterden oramjapyraq — 13%-ǵa, pııaz — 9,1%-ǵa, almurt — 8,1%-ǵa qymbattady, al bul rette qııar — 29,7%-ǵa, kartop — 15,8%-ǵa, qyzanaq — 6,7%-ǵa, sábiz — 4%-ǵa arzandady, — dep habarlady Ulttyq statıstıka bıýrosynyń Pavlodar oblysy boıynsha departamentinen.
Buǵan qosa alkogolsiz sýsyndar baǵasy — 1%-ǵa, farmatsevtıkalyq ónimder — 7,5%, janar-jaǵarmaı materıaldary — 1,7%, turmystyq quraldar — 0,8%, jýǵysh jáne tazalaǵysh quraldar — 0,6%, shashtaraz ben sulýlyq salondarynyń qyzmetteri— 2,7%-ǵa ósken.
Buǵan deıin SQO-da bir jylda azyq-túlik baǵasy qalaı ózgergenin jazǵanbyz.
