Pavlodarda kerosın toly temir jol tsısternasy aýdaryldy
ASTANA. QazAqparat - «Áýejaı-Pavlodar» AQ-nyń kirme temir joldarynda áýe kerosıni bar eki temir tsıasternalary joldan shyǵyp qalyp, bireýi aýdaryldy, dep habarlaıdy pavlodarnews.kz .
Oblystyq TJD resmı saıtyndaǵy aqparatqa súıensek, tótenshe jaǵdaı 29-qazan kúni oryn alǵan. Temir joldyń zaqymdalýynan janar-jaǵar maıy bar eki temir jol tsısternalary joldan shyǵyp qaldy. 60 tonnalyq áýe kerosıny bar tsısternanyń bireýi tóńkerilip, tórt sharshy metrge 2643 keli áýe kerosıny tógildi. Qaza tapqandar men zardap shekkender joq.
