Pavlodarda qazba jumysy kezinde qaýipsizdikti saqtamaǵan merdigerlerge aıyppul salyndy
Bul týraly qazba jumystary júrgizilip jatqan jerlerge reıd júrgizý kezinde TÚKSh bóliminiń bas mamany Temir Qasqabaev málim etti.
«Qazirgi ýaqytta shaharda qazylǵan 20 ýchaskeniń tórteýinde jol júrý qaýipsizdigi erejesi buzylǵandyǵy anyqtaldy. Birinshisi, Nazarbaev dańǵyly boıymen Estaı jáne Tolstoı kósheleri aralyǵyndaǵy bólikte «Pavlodar-Vodokanal» JShS tapsyrysy boıynsha merdiger «West-StroıServıs» JShS sý júıesiniń qubyrlaryn aýystyrýda. Qazylǵan aýmaqtarǵa temir qorshaýlar jetkilikti qoıylmaǵan. Adamdar ótetin jerler ashyq qalǵan. Qyzyl ala lentalar qorshaý bolyp tabylmaıdy. Ony adamdar úzip kete beredi. Talap boıynsha temir qorshaýlar qoıylýy qajet»,- dedi Temir Qasqabaev.
Sondaı-aq Nazarbaev dańǵyly, 89/2 mekenjaıy boıynsha aýla ishinde sý júıesine qatysty jumys jasalýda. Ol jerde de ereje saqtalmaǵan. Aýmaqtarǵa jaýapty merdigerlermen jergilikti polıtsııa qyzmeti aınalysatyn bolady. Eskertý jasalýy nemese ákimshilik jaýapkershilikke tartylýy múmkin. Qala boıynsha taǵy elektr kabelderin tóseý boıynsha jumys júrgizilip jatqan Malaısary batyr - Qamzın kósheleriniń qıylysyndaǵy qazylǵan jer jáne Gagarın kóshesi boıymen Nazarbaev dańǵyly - Kataev kóshesi aralyǵyndaǵy asfalt tóselip jatqan aýmaqta jol júrý qaýipsizdigi erejesi buzylǵan. Sonymen qatar, qysqy ýaqytta jumysy aıaqtalmaı qalǵan, kóriktendirý jumystary qalypqa keltirilmegen 169 ýchaske belgili boldy. Qalalyq TÚKSh bólimi 19 ýchaske boıynsha jaýapty mekemelerge tıisti hat joldaǵan.
Aıta keteıik, atalǵan 4 ýchaskede jol júrý qaýipsizdigi erejeleriniń saqtalýy boıynsha qalalyq TÚKSh bólimi, jergilikti polıtsııa qyzmeti jáne jol-tehnıkalyq ınspektsııa bólimi reıdtik shara ótkizdi.
