Pavlodarda qazandyqtaǵy jarylystan eki adam kúıip qaldy

PAVLODAR. QazAqparat - Jarylys saldarynan eki adam zardap shekti, dep habarlaıdy QazAqparat Pavlodarnews resýrsyna silteme jasap.

TJM ónerkásiptik qaýipsizdik komıteti Pavlodar oblysy boıynsha departamentiniń aldyn ala aqparaty boıynsha, «Pavlodar» JShS qazandyǵynyń ǵımaratynda gaz-aýa qospasy jarylǵan.

Jarylys saldarynan qazandyq ǵımaraty jartylaı qırap, shatyry qulady.

Eki adam zardap shekti. Onyń bireýi - kompressor-operator bolsa, ekinshisi - avtogaz tasyǵyshtyń júrgizýshisi.

- Qońyraý 16:27-de tústi. Oqıǵa ornyna jedel járdem jáne apattar medıtsınalyq ortalyǵynyń brıgadasy jiberildi, – dedi oblystyq jedel járdem stantsııasynyń baspasóz ortalyǵy.

Dárigerlerdiń aıtýynsha, denesin kúıik shalǵan 43 jastaǵy er adam birinshi qalalyq aýrýhanaǵa jetkizilgen.

Al 59 jastaǵy er adam aýrýhanaǵa jatýdan bas tartqan.

Foto: pavlodarnews.kz