Pavlodarda «Kazan-mangal» dámhanasy otqa orandy
ASTANA. QazAqparat - Pavlodarda soltústik óndiristik aýmaqta ornalasqan "Kazan-mangal" dámhanasy otqa orandy. Oblystyq TJD-niń málimetinshe, búgin tańǵy saǵat 6.26-da jol ústindegi bir qabatty tamaqtaný ornynda órt shyqqan, dep habarlaıdy pavlodarnews.kz.
Qyzyl jalyn 108 sharshy metrdi sharpyǵan. Órt saǵat 9.15-te tolyǵymen sóndirildi. - Tilsiz jaýdy aýyzdyqtaýǵa jeke quramnan 26 adam men toǵyz tehnıka jumyldyryldy. Zardap shekkender joq, - dep jazylǵan habarlamada.
