Pavlodarda Qazaqstandaǵy tuńǵysh Eriktiler úıi ashyldy
PAVLODAR. QazAqparat - Qazaqstandaǵy tuńǵysh ret Eriktiler úıi Pavlodarda ashyldy. Jańa ataýǵa ıe bolǵan ǵımaratta ótken ǵasyrdyń basynda balalar ádebıetiniń kórnekti jazýshysy, ertegiler men janýarlar jaıly áńgimelerdiń avtory Akım Nekrasov turǵan, dep habarlaıdy pavlodarnews.kz .
Eske salaıyq, 1905 jyly salynǵan ǵımarat 20 jyl boıy bos jatqan edi. Nekrasovtyń turǵan úıine alty mıllıon teńgege demeýshiler esebinen kúrdeli jóndeý jasaldy. - Bul úıdiń tarıhı mańyzy zor, sondyqtan biz onyń arhıtektýralyq kelbetin saqtap qaldyq, - deıdi jastar bastamalaryn damytý ortalyǵynyń dırektory Saıat Júsipbaev. - Ǵımarattyń ishinde qajetti kúrdeli jóndeý jasalyp, kommýnıkatsııalar tartyldy. Demeýshilerge kómek surap barǵanda olardyń eshbiri bizden bas tartpady.
Eriktiler qyzmetin damytý ortalyǵynyń ashylýymen jastardy Pavlodar oblysy ákiminiń orynbasary Meıram Begentaev quttyqtady. - Óńirimiz úshin eleýli eńbek etip júrgen eriktilerge alǵysym sheksiz. Endi olar osy jerde jınalyp, oılarymen bólisip, josparlaryn birge qura alady, - deıdi Meıram Begentaev.
Aıta keteıik, «Jasyl el» shtaby da jóndeý jumystaryna qolushyn sozdy. Olardyń on múshesi eki aı boıy qurylysshylarǵa tegin kómek kórsetti. Qazirgi kúni Eriktiler úıine toǵyz uıym ornalasty. Olardyń qatarynda «VITO», «Pavlodar eriktiler klýby» men «Krasnyı polýmesıats» bar.
