Pavlodarda Qazaqstandaǵy kolledjder odaǵy quryldy

PAVLODAR. QazAqparat - Pavlodar oblysynyń Aqsý qalasynda 14 arnaıy kásibı orta oqý ornynyń dırektorlary Kolledjder alıansyn qurý týraly memorandýmǵa qol qoıdy, dep habarlaıdy QazAqparat.

Taraptar bul odaq qazaqstandyq kolledj túlekteriniń biliktiligi men básekege qabilettiligin arttyryp, taý-ken metallýrgııa sektoryndaǵy kompanııalardyń kadrlyq máselelerin sheshýge septigin tıgizedi degen paıymda.

«Jyl saıyn ERG kásiporyndarynda osy kolledjderdiń júzdegen stýdenti óndiristik tájirıbeden ótedi. Olardyń basym bóligi oqýyn támamdaǵan soń ónerkásiptke eńbek etýge daıar. Toptyń Qostanaı, Pavlodar jáne Aqtóbe oblystaryndaǵy kásiporyndaryna 5 jylda kolledjderdiń 3 myńǵa jýyq túlegi jumysqa ornalasqan», - delingen habarlamada.

Ázirge odaqqa jalpy sany 14 tehnıkalyq jáne kásibı bilim berý uıymy otyr. Onyń ishinde 8 kolledj Pavlodar oblysynan.

Foto: pavlodarnews.kz