Pavlodarda Qazaqstanda tirkelmegen dári-dármek saýdalanǵan
PAVLODAR. QazAqparat –Pavlodar dárihanalarynyń birinde Qazaqstanda tirkelmegen dári-dármek saýdalanǵan. Bul týraly QazAqparat Qarjy monıtorıngi komıtetine silteme jasap habarlaıdy.
QR QM Qarjy monıtorıngi komıtetiniń Pavlodar oblysy boıynsha Ekonomıkalyq tergeý departamenti qyzmetkerleri Pavlodar qalasy dárihanalarynyń birinde Qazaqstan Respýblıkasynda tirkelmegen dárilik zattardy satý faktisin anyqtady.
Sol kúni dárihananyń ornalasqan meken-jaı boıynsha jedel-tergeý is-sharasy barysynda Pavlodar oblysy taýarlar men qyzmetterdiń sapasy men qaýipsizdigin baqylaý departamentiniń mamanyn qatystyra otyryp tintý júrgizildi, nátıjesinde QR aýmaǵynda satýǵa ruqsaty joq 670 býma dári-dármektiń 22 túri tárkilenip alyndy («Atsetılsalıtsılovaıa kıslota medısobr», «Tseftrıakson», «Paratsetomol», «Azıtromıtsın», «Askofen-P», «Antıgrıpın dlıa deteı», «Tetratsıklın – Lent», «Spazmalgan», «Erınıt», «Nıkotınovaıa kıslota», «Sedalgın plıýs», «Pentalgın», «Gentamıtsın», «Atsıklovır», «Vıkasol», «TempaLcin», «Spazgan», «Ketorol ekspress», «Paratsetomol sýspenzııa», «Analgın», «Andınal» jáne «Mýkaltın»).
Kásipkerden tárkilengen dári-dármekter QR úshin daıyndalmaǵan jáne QR dárilik zattar, medıtsınalyq maqsattaǵy buıymdar men medıtsınalyq tehnıkanyń memlekettik tizilimine engizilmegen, sonymen qatar, «Dárilik zattardy jáne medıtsınalyq maqsattaǵy buıymdardy Qazaqstan Respýblıkasynyń aýmaǵyna ákelý jáne áketý erejelerin» buza otyryp, ıaǵnı dárilik zattar men medıtsınalyq maqsattaǵy buıymdardy ulttyq saraptaý ortalyǵynyń qaýipsizdik men sapa týraly sertıfıkatynsyz el aýmaǵyna ákelingen.
Qazirgi ýaqytta sotqa deıingi tergeý júrgizilýde.
