Pavlodarda qazaq teatrlary arasynda respýblıkalyq festıval ótedi
PAVLODAR. KAZINFORM - Bıyl kúzde «Ertis-Baıan» ІІ respýblıkalyq teatrlar festıvali uıymdastyrylady dep kútilip otyr.
Uıymdastyrýshy - J.Aımaýytov atyndaǵy Pavlodar oblystyq qazaq mýzyka-drama teatrynan habarlaǵandaı, elimizdegi úzdik teatrlar arasyndaǵy óner baıqaýy qazaq teatr óneriniń kórnekti ókili, rejısser, Qazaqstannyń eńbek sińirgen qaıratkeri Ersaıyn Tápenovtiń týǵanyna 80 jyl tolýyna oraı ótkizilmekshi.
- Baıqaý maqsaty - Ertis-Baıan óńiriniń teatr keńistigin jańa mazmunmen tolyqtyrý jáne otandyq teatrlar arasyndaǵy kásibı baılanysty nyǵaıtý. Teatr óneriniń úzdik jumystaryn anyqtaý, zamanaýı úrdisterdi tanystyrý jáne shyǵarmashylyq tájirıbe almasýǵa jaǵdaı jasaý, - dep qosty teatrdan.
Marapattaý nomınatsııalary kelesideı:
- Bas júlde;
- Pavlodar oblysy ákiminiń arnaıy júldesi;
- «Úzdik ansambl»;
- «Úzdik rejıssýra» (Ersaıyn Tápenov atyndaǵy júlde);
- «Úzdik er adam beınesi»;
- «Úzdik áıel adam beınesi»;
- «Ekinshi plandaǵy er adam beınesi»;
- «Ekinshi plandaǵy áıel adam beınesi»;
- «Úzdik stsenografııa».
Festıval 2026 jyldyń 25-30 qyrkúıek aralyǵynda ótkiziledi.
Memleket basshysy jyl basynda qaı óńirlerde teatr salynatynyn aıtqan bolatyn.
