Pavlodarda qaıyrymdylyq jáshigin urlaǵandar ustaldy
ASTANA. QazAqparat - Pavlodarda aýrý balanyń emi úshin arnaıy dúkenge ornatylǵan qaıyrymdylyq jáshigin urlap ketken eki kúdikti ustaldy, dep habarlaıdy QazAqparat tilshisi.
Urlyq faktisi týraly Pavlodar oblystyq ІІD-niń VKontakte jelisinde jazylǵan.
«Pavlodar qalasynyń polıtsııasyna balanyń emine arnalǵan, aqsha jınalǵan jáshiktiń urlanǵany jóninde 27 jastaǵy jergilikti turǵyn aryzben júgindi. Pavlodarlyqtardyń qol úshin beretinine úmittengen áıel oblys ortalyǵynda ornalasqan dúkenderdiń birinde erkin túrde aqsha salý jáshigin ornalastyrǵan. Onyń kishkentaı ulyna ota jasaǵannan keıin ári qaraı em alý kerek bolǵanymen, ol úshin aqshalaı qarajat qajettigi týyndaǵan. Urylardyń áreketi dúkenniń beınebaqylaý kamerasyna túsip qaldy», - delingen habarlamada.
Kadr jazbalarynda kúdiktiniń biri kúláparasyn kıip, aqsha jınalǵan jáshikti alyp qashqany kórinedi.
Tártip saqshylarynyń júrgizgen izdestirý is-sharalarynyń nátıjesinde atalǵan qylmysty jasady degen kúdikpen 20 jáne 45 jastaǵy eki er adam anyqtalyp, ustaldy. Atalǵan jaǵdaıǵa qatysty QR QK 188-baby 2-bólimi 1-tarmaǵy boıynsha sotqa deıin tergep-tekserý amaldary júrgizilýde.
Foto: ktrk.kg
