Pavlodarda qaıyrymdylyq tramvaıy jolǵa shyqty

ASTANA. QazAqparat - «Pavlodardyń meıirimdiler klýby» jáne «Tramvaı basqarmasy» AQ qaıyrymdylyq aktsııasyn uıymdastyrýda, dep habarlaıdy pavlodarnews.kz.

Bul týraly agenttikke eriktiler habarlady.

«Biz oblys ortalyǵyna úsh kúnge qaıyrymdylyq tramvaıyn shyǵarý týraly usynyspen basqarmaǵa júgindik, - deıdi Ekaterına. - Osy vagonda júrý úshin  tólengen barlyq aqsha aýyr dertke shaldyqqan balalarǵa tapsyrylady. Aqtsıonerlik qoǵam basshylyǵy tarapynan qoldaý tapqanymyzǵa óte qýanyshtymyz».

Erekshe vagondy taný qıynǵa soqpaıdy. Sebebi, syrty men ishine basqa bireýdiń qaıǵysyna nemquraıly qaramaýǵa shaqyratyn plakat jabystyramyz. Aktsııa 25, 26 jáne 27 qazan kúnderi ótedi. № 5 baǵyttaǵy vagondardyń bireýi qaıyrymdylyq sharalaryna arnalady. Mundaı tramvaı óziniń ádettegi kestesi boıynsha jumys isteıdi.