Pavlodarda qaıtys bolǵan kadet oqýshysyna qoqan-loqqy jasalǵan - týystary
ASTANA. QazAqparat - Pavlodarda qaıtys bolǵan oqýshynyń anasy balasyna bireýlerdiń qoqan-loqy jasap, aqsha talap etkendigin aıtýda, dep habarlaıdy QazAqparat.
Qaıtys bolǵan kadettiń anasy Oksana Gavrısh buqaralyq aqparat quraldaryna jazǵan ashyq hatynda uly ólgen kúni páterdiń syrtqy esiginiń ishki shaǵynan zaqymdanǵanyn, demek balasynyń bireýlerden qorǵanýy múmkin ekendigin atap ótedi.
«Danıılde isik bolǵanyn jáne esiktiń búlingendigin polıtsııa qyzmetkerlerine tirkeýge alýdy ótindik. Osy ýaqytqa deıin ulymnyń ólimine baılanysty materıaldardyń óndirisi kimge ekendigin bilmeımin, menen de jaýap alǵan joq. Túsiniktemeni Danııldiń múrdesi úıden tabylǵan kezde berdim. Eseńgiregen halde bolǵandyqtan shynymdy aıtsam ne jaıynda suraǵandary da esimde joq. 2 aqpan kúni Pavlodar qalalyq ІІB-niń ortalyq bólimine júgindim, balamnyń isi qalaı ilgerilep jatqanyn bilý úshin bir saǵattan astam turdym. Alǵan jaýabym: «saraptama nátıjesin kútýdemiz» boldy», - dedi Oksana Gavrısh.
Onyń aıtýynsha Danııl ólgennen keıin shamamen 1,5 aptan soń onyń telefon qońyraýlarynyń jazbasy alynǵan. Osy rette ol balasynyń ólimine qatysty tyń faktilerdiń de bar ekendigin aıtady.
«Osy ýaqytqa qoqan-loqy jasalǵan ınternet jazbalary da tekserilgen. Zańger emespin, biraq tipti qarapaıym bastapqy tergeý is-qımyldarynyń da júrgizilmegendigin túsinemin. Qolymda máıithana bergen jazba bar. Onda qaza bolý sebebi: «Anyqtalmaǵan zattyń toksıkalyq áseri» dep jazylǵan. Biz 21 ǵasyrda ómir súrgendikten qandaı zattan ólgendigin anyqtaı almaýdy túsine alar emespin. Menińshe, asa aýyr qylmysty, meniń ulymnyń ólimin jasyrýshylyq júrip jatyr», - dedi balanyń anasy.
Danııldiń aǵasy Vadım Gavrıshtiń aıtýynsha, onyń jeke jazbalarynan aqsha tabýdy talap etken hat tabylǵan.
«Belgili bir somany jınaý jaıynda aıtylady. Somanyń qanshalyqty ekendigi belgisiz. Biraq, jábirleımiz dep qorqytqan. Munyń bári de skrın.shottar, aýdıohabarlar bar», - dedi ol.
Al Pavlodar bolystyq ishki ister departamenti atalǵan fakti boıynsha sotqa deıingi tergeý amaldarynyń júrgizilip jatqanyn, saraptamalar taǵaıyndalǵandyǵyn málim etti. Sonymen qatar oblystyq ІІD-niń baspasóz qyzmeti kóz jumǵan kadettiń anasy Oksana Gavrıshti búgin Pavlodar qalalyq ІІB ortalyq bóliminiń bastyǵy qabyldaıtyndyǵyn atap ótti.
Esterińishge sala ketsek, 26 qańtar kúni Pavlodar oblystyq mamandandyrylǵan áskerı kadet mektebiniń oqýshysynyń múrdesi úıinen tabyldy. 13 qańtardan ol úıde jatqan, tyrnaǵyna ota jasatý kerek bolǵandyqtan anasy ony surap alǵan.
